Vettel: Në Spa, Ferrari është i shpejtë! Ricciardo më surprizoi, Alonso jo! - Bota Sot
Vettel: Në Spa, Ferrari është i shpejtë! Ricciardo më surprizoi, Alonso jo!

Formula 1

E mërkurë, 17 tetor 2018

Vettel: Në Spa, Ferrari është i shpejtë! Ricciardo më surprizoi, Alonso jo!

Më: 23 gusht 2018 Në ora: 19:37
Sebastian Vettel

Sapo ka përfunduar pushimet, ku ka shijuar periudhën e kaluar me familjen e tij në mal. Më në fund i lirë nga impenjimet maksimale në garat e Formulës 1. Kohën e ka kaluar duke praktikuar çiklizëm e duke shëtitur në zona malore mes një moti që të ofronte gjithçka.

Por, sigurisht edhe duke pushuar në shtëpi, pasi – siç thotë, – i nevojitej pak pushim krahasuar me ritmet e vrullshme të ndërrimit të avionëve sa nga një destinacion, në një tjetër.

Ky është Sebastian Vettel, i cili duke nisur nga kjo fundjavë do të tentojë sërish të bëjë të pamundurën për të rrëzuar nga froni britanikun Lewis Hamilton, e për të fituar titullin e parë me Ferrarin. Për këtë i duhet fillimisht të garojë në Spa Francorchamps të Belgjikës.

Përpara nisjes së pushimeve, Ferrari pa t’i iknin nga duart dy fitore, të dyja në favor të kundërshtarit të drejtpërdrejtë, Hamilton, në Gjermani dhe Hungari. Ndaj, tashmë është koha e duhur për të ndryshuar marsh, pavarësisht vështirësive me të cilat do të përballet.

Spa Francorchamps është tradicionalisht një pistë super e shpejtë, në të cilën vitet e fundit Mercedesi ka arritur të shfaqë performanca të mira. Por, gjermani Vettel është i qetë dhe me besim të plotë te kapacitetet e Ferrarit të tij.

“Çelësi i suksesit në këtë garë do të jetë shpejtësia, – thotë 4 herë kampioni i botës. – Këtë vit kemi garuar mirë në të gjitha llojet e pistave, jo vetëm në ato që janë të shpejta. Për këtë arsye kam shumë besim”.

Sa i përket zhvillimeve të tjera në Formulën 1 gjatë kësaj periudhe pushimesh, Vettel flet i surprizuar për largimin e Ricciardos te Renaulti, por jo për tërheqjen e Alonsos.

“Me Fernandon ka ndodhur ajo që pritej, do të më vijë edhe mua radha një ditë. Pilotët vijnë e ikin, ndërsa ai ka qëndruar për një kohë të gjatë në Formulën 1. Besoj se e ka parë si momentin e përshtatshëm për t’u tërhequr, por motivet i di vetëm ai”, thotë për Alonson.

“Ricciardo te Renaulti në fakt më surprizoi. Ai është një nga pilotët më të mirë në qarkullim dhe besoj se e di mirë çfarë po bën. Megjithatë, nuk mund të shprehem mbi faktin sesa shumë mund të përmirësohet Renaulti në vitet që vijnë”.

Sot mund të lexoni Shfletoni kopertinat
Sondazh
test