Hamilton dominon provat e lira në Suzuka, Ferrari gati 1 sekondë më i avashtë - Bota Sot
Hamilton dominon provat e lira në Suzuka, Ferrari gati 1 sekondë më i avashtë

Formula 1

E diel, 21 tetor 2018

Hamilton dominon provat e lira në Suzuka, Ferrari gati 1 sekondë më i avashtë

Më: 5 tetor 2018 Në ora: 10:01
Lewis Hamilton

Lewis Hamilton nuk ndalet, duke konfirmuar momentin e mirë që ai dhe makina Mercedes po kalojnë. Piloti britanik ka dominuar sot paradite dy sesionet e para të provave të lira të zhvilluara në pistën e Suzuka, të vlefshme për garën e Çmimit të Madh të Japonisë në Formula 1. Kryesuesi i kampionatit dha kohën 1’28”217, duke lënë pas shokun e tij të skuadrës, filnandezin Valtteri Bottas, ndërsa i treti u rendit Sebastian Vettel me Ferrari.

Por makina italiane ishte shumë larg Mercedesit të Hamilton, gati 1 sekondë, çka tregon se diferencat mes tyre në pistë janë të mëdha. Madje Kimi Raikkonen, me makinën tjetër Ferrari, u rendit i pesti, me 1.2 sekonda më shumë se Hamilton, ndërsa i katërti u klasifikua Max Verstappen me Red Bull (shoku i tij i skuadrës, Ricciardo, u rendit i gjashti).

Pilotët provuan tipe të ndryshme gomash, duke qenë se strategjia e garës në këtë pistë parashikohet me 2 ndalesa. Por për nensr, që zhvillohen provat zyrtare, mund të ketë surpriza nga kushtet atmosferike, pasi parashikohet shi në pistën japoneze.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test