Perez mahnitet nga 18-vjeçari, gati të ofrojë 70 mln euro - Bota Sot
Perez mahnitet nga 18-vjeçari, gati të ofrojë 70 mln euro

Futboll

Perez mahnitet nga 18-vjeçari, gati të ofrojë 70 mln euro

Më: 20 dhjetor 2018 Në ora: 00:31
Florentino Perez

Florentino Perez, po përgatit një ofertë të çmendur për të përforcuar Real Madrid. Teksa largimi i Isco-s dhe Marco Asensio-s është pothuajse i sigurt, tashmë zëvendësuesi është gjetur: Jadon Sancho.

Anglezi u transferua sezonin e kaluar te Borussia Dortmund vetëm për 8 milionë euro nga Manchester City dhe ka shpërthyer në sezonin aktual, duke u kthyer në një element thelbësor për trajnerin Lucien Favre.  

Sulmuesi 18-vjeçar, në fakt, është një nga përgjegjësit e periudhës fantastike që po kalon Dortmund, që kryeson në Bundesligë dhe është kualifikuar në 1/8-at e Champions League.

Shpejtësia dhe driblimet e tij kanë mahnitur Florentino-n, i cili po përgatit ofertën për lojtarin, që nga shumë ekspertë konsiderohet si e ardhmja e Anglisë. Edhe pse në moshë të re, Sancho ka shënuar 6 gola dhe ka dhënë 11 asiste në 23 ndeshje.

Real Madrid ka marrëdhënie shumë të mira me Borussia-n, që do të kërkojnë gjithsesi një shumë të çmendur për diamantin e saj. Perez beson se 70 milionë euro do të mjaftojnë për të bindur klubin verdhezi dhe për të "djegur" konkurrencën e klubeve të tjerë që janë në ndjekje të Sancho-s.

Ideja dhe shpresa e Real Madrid është që anglezi të bëhet pasardhësi i Cristiano Ronaldo-s në të ardhmen. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...