Pep Guardiola e ka përshkruar Jurgen Kloppin si trajner të mrekullueshëm përpara ndeshjes mes Manchester Cityt dhe Liverpoolit në kuadër të xhiros së 21-të në Premierligë.
Ndeshja pritet të fillojë sonte prej orës 21:00 në “Etihad”, ku City do të tentojë që t’i afrohet Liverpoolit më shumë në garën për titull, pasi momentalisht skuadra e Klopp ka shtatë pikë më shumë dhe mban kreun e tabelës.
“Fillimisht, ai është një trajner i mrekullueshëm”, tha Guardiola për Kloppin.
“Kam një raport të mirë me të dhe skuadra e tij gjithmonë luan mirë”.
“Nuk i kam numëruar sa herë i kam mposhtur trajnerët dhe pastaj të mendoj se jam special”.
