Kushti i Zenelit për skuadrën holandeze

Futboll

Kushti i Zenelit për skuadrën holandeze

Më: 3 janar 2019 Në ora: 13:50
Kushti i Zenelit për skuadrën holandeze

Sulmuesi i Kosovës, Arbër Zeneli, do të pranojë vazhdimin e kontratës me Heereneenin me një kusht – nëse i rritet paga, kanë njoftuar mediumet në Holandë.

Zeneli, 23-vjeçar, me skuadrën holandeze ka kontratë deri në verën e këtij viti.

Interesim për reprezentuesin e Kosovës kanë shprehur Fiorentina, Napoli dhe Fenerbahçe, që duan ta rrëmbejnë në këtë afat kalimtar.

“Sulmuesi kosovar i krahut ka një mundësi të zgjatë kontratën e tij edhe për një vit, por kërkon rritje të pagës. Duke pasur parasysh situatën financiare të Heerenveenit, i cili u përball me një deficit operativ prej 5.7 milionë eurosh sezonin e kaluar, ky opsion nuk është i mundur. Nëse Heerenveeni dëshiron të fitojë diçka prej tij, duhet ta shesë gjatë këtij muaji, në të kundërtën ai do të largohet pa dëmshpërblim në verë”, shkruan “fcupdate.nl”.

Sot mund të lexoni Shfletoni kopertinat