Lucas Paqueta tashmë mund të quhet zyrtarisht një lojtar i Milanit. Klubi kuqezi ka depozituar edhe kontratën e brazilianit në Ligën e Sierisë A, dhe tashmë ai është një alternativë më shumë për Gatusson.
Paqueta u ble nga Milani që në muajin te tetor, nga klubi i Flamengos në Brazil për shumën e 35 mln eurove, dhe vetëm tashmë ai do të jetë i gatshëm të luajë për “djallin”. Paqueta mund të bëjë debutimin e tij që në datën 16 janar, në finalen e Superkupës ndaj Juventusit.
Talenti 21-vjeçar, ishte afrimi i parë i Milanit në këtë merkato janari, ndërsa pritet edhe përforcime të tjera për formacionin e Gatussos, që këtë pjesë të parë të sezonit duhet theksuar se ka qenë i cunguar.
