Skuadra nga Superliga është përforcuar me futbollistët Vilson Lila dhe Klejdi Koçi
Gjilani i ka ndezur motorët.
Klubi i Superligës ka njoftuar sot përmes uebfaqes së vetë zyrtare se ka arritur marrëveshje me dy futbollistë.
Bëhet fjalë për Vilson Lilën dhe Klejdi Koçin.
“Vilson Lila i cili luan pozitën e mbrojtësit të qendrës, vjen nga klubi i Kastriotit nga Superliga e Shqipërisë. 29 vjeçari ka bërë karrierë brenda Shqipërisë, ku më parë ishte edhe pjesë e Kukësit”, njofton fillimisht klubi gjilanas, i cili e prezantoi edhe përforcimin e dytë.
“19 vjeçari Klejdi Koçi i cili luan pozitën e mesfushorit, vjen nga shkolla e futbollit nga Tirana, KF Therm Tirana ku ndër vite ishte lojtar i dalluar në gjeneratën e tij dhe kishte spikatur me paraqitjet e tij në kategorinë e juniorëve në Shqipëri”, përfundon njoftimi i Gjilanit.
