Katalanasit dëshirojnë të kenë në skuadër një zëvendësues për Luis Suarez.
Alvaro Morata pritet të largohet nga Chelsea.
Që nga transferimi i tij në Londër para një viti e gjysmë, spanjolli nuk ka arritur të përshtatet me futbollin anglez dhe dëshira e tij është të luajë përsëri në La Liga.
Për Moratan ka shprehur interesim Barcelona, e cila synon t’i jap një rast duke e kthyer në Spanjë, por fillimisht vetëm në formë huazimi.
Në ditët në vijim, agjenti i tij pritet të ulet dhe të bisedojë me drejtuesit e Barçës për mundësinë e transferimit të lojtarit në Camp Nou.
Kujtojmë se Morata është lojtar i akademisë së Real Madridit, por në klubin madrilen ai nuk ka pasur asnjëherë besimin e plotë për të qenë titullar, prandaj edhe është larguar.
