Në Angli u bë e madhe ngjarja që ndodhi me skuadrën e Derby Country një ditë para se të përballej me Leeds United.
Në stërvitjen e fundit të skuadrës së drejtuar nga Frank Lampard policia ndërhyri duke i larguar lojtarët dhe stafin teknik nga fusha pasi një person i dyshimtë kishte kaluar rrethimin dhe po përgjonte.
Leeds e fitoi ndeshjen 2-0 dhe arriti të qëndrojë në krye të Championship në Angli. Por, në fund të takimit pati konfrontime në mendimet e dy trajnerëve.
Ish-mesfushori i Chelseas tha se kjo që kishte ndodhur ishte e papranueshme, ndërsa përgjegjësitë e veprimit i mori përsipër trajneri i Leeds, Marcelo Bielsa, i cila tha se përgjimi ishte kryer me urdhër të tij.
“Është e vërtetë që atje ishte një person nga Leeds. Përgjegjësia e incidentit është e imja. Nuk ka rëndësi nëse është e ligjshme apo jo, ose e drejtë apo e gabuar. Për mua mjafton që Lampard dhe Derby nuk e cilësojnë si veprim të drejtë për këtë unë nuk jam sjellë mirë”, tha fillimisht Bielsa.
Ai shtoi se kishte biseduar direkt me Lampard, por anglezi i kishte thënë se nuk i ka respektuar rregullat e lojës së ndershme. Gjithsesi argjentinasi pranoi se mendon ndryshe për këtë çështje.
“Nuk po mundohem të gjej justifikime. Unë e kam përdorur këtë taktikë që nga kualifikueset e Kupës së Botës me Argjentinën. Kjo nuk është ilegale, ne i kemi bërë këto veprime publikisht, e kemi thënë edhe në media, për disa njerëz është e gabuar por për mua nuk është e rregullt”, zbuloi më tej Bielsa.
Me fjalët e tij të drejtpërdrejta trajneri pranoi se e ndjek këtë metodë që nga viti 2002, që në atë kohe ishte në krye të Argjentinës.
