Krzysztof Piatek ka refuzuar mundësinë për të luajtur me Real Madrid, sipas"Don Balon".
Një goditje e vërtetë për Florentino Perez, i cili mendonte se operacioni do të mbyllej me sukses. Numri një i "Los Blancos", në fakt, kishte në mendje numrin e fanellës dhe datën për prezantimin e lojtarit.
Perez është në kërkim të një numri 9-të në merkaton e janarit dhe polaku u zgjodh për shkak të moshës së tij, cilësisë dhe çmimit. Megjithatë, duket se Milan është treguar më i shpejtë.
Milanezët, sipas shtypit italian, kanë arritur marrëveshjen me futbollistin dhe tani po negociojnë me Genoa-n. Kuqeblutë e vlerësojnë 60 milionë euro polakun, por Milan shpreson të sigurojë shërbimet e lojtarit për 45 milionë.
