Werder Bremen sot ka shënuar fitore minimale në udhëtimin kundër Hannover.
Këtë fitore Bremen e arritën falë golit të reprezentuesit nga Kosova Milot Rashica.
Anësori “dardan” tundi rrjetën e Hannover kur po luhej minuta e 32’ e takimit.
Me këtë gol, Miloti ka justifikuar besimin e trajnerit të tij, i cili e aktivizoi atë nga minuta e parë.
Pas këtij goli që pati rëndësinë e tri pikëve, Rashica ka shkruar një mesazh në “Twitter”.
“Nuk ka mënyrë më të mirë se kjo për ta nisur vitin” ka shkruar reprezentuesi i Kosovës.
Mendime të mira për lojtarin, trajneri i Werder ka dhënë edhe para disa javëve ku ka thënë se lojtari po shënon progres të madh.