Mauro Icardi dhe Inter pritet të takohen këto ditë për të negociuar për rinovimin e lojtarit me klubin zikaltër dhe agjentja e argjentinasit, Wanda Nara, njëkohësisht bashkëshortja e tij duket se po i thyen akujt e të gjithë deklaratave me thumba që thotë në media e poston në rrjete sociale.
Wanda ka publikuar projektin për të cilën ka muaj që ka punuar. Në fakt është një këngë, realizimin e të cilës e ka kryer në bashkëpunim me Davide Demarinis, i cili njihet për projektet që punon me klubin zikaltër.
Të dy së bashku kanë sjellë një këngë me titull: “Zikaltër lind!”, dhe është Wanda që këndon një pjesë të tekstit, ku fjalët janë më shumë sesa të një tifozeje speciale.
"Zikaltër në zemër,
Një histori e madhe dashurie,
Një fe që ndihet,
Që lëviz,
Në shi e diell,
Me pasion një siguri e vetme,
Një fanellë që do nderohet
Në shtëpi dhe në transfertë...", është teksti i fragmentit të këngës që pritet të dalë së shpejti.
