Higuain është objektivi kryesor i Chelsea-t në merkaton e dimrit. Trajneri aktual i Bluve Maurizio Sarri dhe sulmuesi argjentinas kanë kaluar një periudhë frytdhënëse së bashku te Napoli në sezonin 2015/16 dhe duke parë formën e dobët të Alvaro Morata dhe Olivier Giroud, ai gjithmonë do të ishte në krye të listës.
Megjithatë situata është e komplikuar. Higuain është huazuar nga Juventus te Milan me opsion blerje, por 31-vjeçari do t’i bashkohet Chelsea-t.
Dhe kjo nuk është e gjitha, ai është në mes të një linje dominoje të përbërë nga shtatë klube. Më poshtë keni efektin domino që po mban larg Pipita-n nga Londra.
Gelson Martins ose Nikola Kalinic – Nga Atletico Madrid te Monaco
Le ta nisim nga Spanja. Atletico ka vështirësi financiare dhe Monaco i Thierry Henry raportohet të jetë interesuar për dyshen e Atletico-s, Martins dhe Kalinic.
Pse ndikon kjo te Chelsea?
Alvaro Morata – Nga Chelsea te Atletico Madrid
Kjo ndikon te tratativa e Chelsea-t sepse Atletico është në pritje të shesë një prej këtyre dy lojtarëve përpara se të sjellë Alvaro Morata-n në klub.
Dështimi i "Bluve" raportohet të ketë arritur marrëveshjen me klubit spanjoll, por operacioni po mbahet peng nga gjendja financiare e klubit spanjoll, që duhet të largojë dikë përpara se të afrojë një tjetër.
Gonzalo Higuain – Nga Juventus te Chelsea (nëpërmjet Milan)
Largimi i Morata-s do t’i hapte rrugë Chelsea-t për të shtuar një sulmues në skuadër, megjithëse klubi nuk do ta kishte problem nëse njëri do të largohej përpara se të vinte tjetri.
Problemi qëndron më shumë në një reaksion zinxhir që po ndodh në krahun tjetër.
Krzysztof Piatek – Nga Genoa te Milan
Milan është dorëzuar për Higuain, por kuqezinjtë mbajnë peng operacionin për shkak se kanë firmosur për huazimin e tij deri në fund të sezonit. Përpara se ta lejojnë Higuain të kalojë në "Stamford Bridge", milanezët duan të gjejnë një zëvendësues.
Fatmirësisht, Piatek te Milan është thuajse e kryer kështu që mund t’i hapet rruga edhe Pipita-s.
