Skuadra e Ballkanit është një nga më aktivet në afatin kalimtar të janarit.
I fundit është Almir Ajzeraj, i cili vjen nga Skënderbeu, derisa njoftimi është dhënë në rrjetet sociale.
“Almir Ajzeraj lojtari i cili i bashkohet rrugëtimit tonë për sezonin pranveror, në formë huazimi nga Skënderbeu me pëlqim tri palësh.
Faleminderit klubit të madh shqiptar për mundësinë e bashkëpunimit.
Me ardhjen e Almirit edhe zyrtarisht e mbyllim këtë afat kalimtar.
Klubi po kryen edhe përgatitjen e fundit në Durrës për tu kthyer sa më kompakt për lojën e parë për Digitalb Kupën e Kosovës më 9 shkurt”, shkruan faqja e Ballkanit në rrjetet sociale.
Ballkani garon në IPKO Superligë dhe aktualisht mban pozitën e nëntë.
Ndryshe, klubi nga Suhareka më herët kishte prezantuar edhe futbollistët Visar Sahiti e Tarik Cmajcanin dhe Edvin Kuçin, si dhe Dardan Jasharin.
