Ndeshja e fundit e Prishtinës në stadiumin e kryeqytetit në Ligën e dytë Unike (Liga e Parë B) në ish Jugosllavi! Në stadiumin e qytetit në Prishtinë në qershorin e vitit 1991, Prishtina si vendas e shkatërroi me rezultat 3:1 Radniçkin e Beogradit (java e 35-të)! Realizatorë: Avdullah Rafuna (7'), Mensur Nexhipi (50') e Mentor Bardhi (82') – Filipoviq (23’).
Siç shkruante atëkohë në gazetën Bujku, me këtë fitore Prishtina përfundimisht kishte siguruar ekzistencën. Kjo ishte ndeshja e fundit para shikuesve të saj në stadiumin e Prishtinës, ndërsa pas kësaj sfide luajti edhe dy të tjera por në udhëtim, së pari në Zagreb ku humbi me 3:1 nga Zagrebi (java e fundit e 36-të) dhe ishte një atmosferë drithëruese, për faktin se Zagrebi u promovua si anëtar i elitës ish jugosllave, por që nuk morën pjesë në edicionin e ri 1991-92, pasi që klubet kroate së bashku me Prishtinën i thanë jo garave me serbosllavët.
Gazeta Bujku 1991
Dhe ndeshja e fundit e Prishtinës në ish Jugosllavi ka qenë në Shkup, kur fituan me rezultat 2:1 kundër Ballkan Stokokomerc (java e parë e edicionit 1991-92) falë golave të përforcimit të ri Ergin Ajdinoviq. Dy ndeshje tjera Prishtina nuk i luajti, në Prijedor dhe pastaj nuk e priti Mogrenin, u thonë lamtumirë garave me serbosllavët. Ajet Shoshollit ka qenë kryetrajner atëkohë.
Prishtina-Radniçki 3:1
Stadiumi i Qytetit Prishtinë.
Shikues: 500.
Refer: Radosav Rabrenoviqi (Novi Sad)
Realizatorë: Rafuna (7'), Nexhipi (50') e Bardhi (82') – Filipoviq (23’).
Prishtina: Bozhidar Vuksanoviq, Goran Gjoroviqi, Avni Stublla, Eroll Salihu, Arbnor Morina, Muhamed Kolenoviq, Mensur Nexhipi, Avdullah Rafuna, Adil Vokrri (Mentor Bardhi), Sunaj Keçi dhe Sllavisha Zdravkoviq (Osman Ramadani).
Radniçki: Simeunoviq (Lijiç), Filipoviq, Gjuriq, Isailoviq, Makarin, Iliq, Volkoviq, Aleksiq (Milojeviqi), Koshutiq, Loviq dhe Suruçiq.
