Rreth tre ditë më parë grupi i kërkimit arriti të gjente avionin e zhdukur që prej 21 janarit. Gjatë inspektimit të avionit ata gjetën edhe një trup të mbetur brenda rrënojave të avionit, i cili kishte përfunduar në fund të detit.
Kompania e cila u punësua privatisht nga familjarët e futbollistit Emiliano Sala arritën të nxjerrin trupin e mbetur në rrënojat e avionit të fundosur.
Air Accidents Investigation Branch (AAIB) nuk e zbuloi identitetin e trupit, pra nuk dihet në qoftë se trupi është i futbollistit Emiliano Sala apo i piloti David Ibbotson.
Trupi u nxjerr me sukses, por përpjekjet për të rimarrë rrënojat e aeroplanit ishin të pasuksesshme, tha AAIB në një deklaratë të mërkurën.
Sala ishte nisur nga Nantes i Francës perëndimore më 21 janar për të bërë debutimin e tij për ekipin e Premier League në Cardiff City, kur aeroplani u zhduk në Kanalin Anglez.
