Bayern Munihu ka bërë edhe një hap të rëndësishëm drejt të ardhmes, duke transferuar një lojtar me potencial të madh.
Bavarezët kanë kompletuar transferimin e 19-vjeçarit, Jann-Fiete Arp, i cili kalon në “Allianz Arena” nga Hamburgu. Mirëpo, atë mund të mos e shohim në fanellën e gjigantit gjerman, deri më 1 korrik të vitit të ardhshëm.
Sulmuesi, 19-vjeçar, e ka opsionin e kalimit te Bayerni në verën e vitit 2019, mirëpo, mund të qëndrojë te Hamburgu deri në sezonin 2020/21.
“Ai është talent i madh, lojtar i madh,” tha drejtori sportiv i Bayernit, Hasan Salihamixhiq.
“Bild” raportoi se Bayerni ka paguar 2.5 milionë euro për të siguruar shërbimet e Arp.