Kapiteni i Napolit, Marek Hamsik, ka vendosur përfundimisht që të largohet nga Serie A.
Hamsik i është nënshtruar testeve mjekësore në Madrid, para kalimit të tij në Superligën e Kinës, shkruan ‘Calciomercato’.
Reprezentuesi sllovak do të kalojë tek skuadra e Dalian Yifang, të cilët i kanë ofruar një shumë të majme të hollash.
Napoli ka bllokuar fillimisht largimin e lojtarit, sepse një problem është paraqitur mes dy skuadrave, pasi që skuadra kineze nuk ka respektuar disa prej marrëveshjeve që janë arritur.
Gjithsesi, agjenti i Hamsik ka arritur që të finalizojë gjithçka, dhe tani lojtari është vetëm një hap larg kalimit në Kinë.