Kamza i merr pikë Teutës në Durrës, feston Partizani - Bota Sot
Kamza i merr pikë Teutës në Durrës, feston Partizani

Futboll

Kamza i merr pikë Teutës në Durrës, feston Partizani

Më: 10 shkurt 2019 Në ora: 22:36
Kamza i merr pikë Teutës

Është thjesht java e Partizanit. Të kuqtë u gëzuan trefish në këtë javë të 21-të të Superiores, fillimisht për suksesin 2-0 me Kastriotin, më pas për humbjen e Kukësit 0-1 ndaj Tiranës dhe në fund për barazimin 0-0 të Teutës në “Niko Dovana” me Kamzën.

Tashmë diferenca mes të kuqve dhe ndjekësve më të afërt është respektivisht 8 pikë me Kukësin dhe 10 me Teutën, që ndaj ekipit të Ernest Gjokës regjistroi barazimin e katërt radhës.

Me një llogari të thjeshtë nga 12 pikë të mundshme “Djemtë e Detit” në katër javët e fundit kanë grumbulluar vetëm 4 pikë.

Për t’u fokusuar të kronika e ndeshjes së “Niko Dovanës”, skuadra durrsake u “tradhtua” nga futbollisti ndoshta më i vlerësuar deri në këtë pjesë të kampionatit, Sherif Kallaku, që nuk arriti të shndërronte në gol një 11-metërsh të fituar në minutën e 19-të nga Gerhard Progni, por e kontestuar me forcë nga Kamza.

Një pikë me vlerë për ekipin e Gjokës që lë në vendin e fundit në të njëjtën kuotë pikësh, 16, por me golaverazh më të mirë, Kastriotit.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...