Labinot Kabashi po vuan nga lëndimet te Barcelona.
Pak ditë para rikuperimit të tij nga lëndimi, Labinot Kabashi është lënduar përsëri.
Talenti kosovar që luan në grupmoshat e reja te skuadra katalonase, është lënduar qysh në ndeshjen e parë nga rikthimi prej lëndimit.
Lëndimi në ligamentet e gjurit, e ka detyruar Labinot Kabashin që të rikthehet sërish në sallën e operacionit.
Mediat katalonase bëjnë të ditur se talenti kosovar ka një vullnet të madh, gjë që është për tu befasuar, pasi lëndimi i dytë mund ta demotivojë një lojtar.
Kabashi do të bëhet 19-vjeçar në fund të muajit shkurt, ndërsa ecuria e tij te Barcelona ka qenë tejet e mirë deri në momentin e lëndimit.
