Scholes ka frikë nga... Mou: Mund të jetë gabimi më i madh i jetës sime - Bota Sot
Scholes ka frikë nga... Mou: Mund të jetë gabimi më i madh i jetës sime

Futboll

Scholes ka frikë nga... Mou: Mund të jetë gabimi më i madh i jetës sime

Më: 13 shkurt 2019 Në ora: 00:51
Mourinho

Si është jeta nga ana tjetër barrikadës? Është e lehtë të kritikosh trajnerët kur luan ose kur ke një mikrofon në dorë, por gjithçka bëhet më e vështirë kur merr drejtimin e një ekipi. 

"Mund të jetë gabimi më i madh i karrierës sime, nuk e di. Ose gjëja më e mirë që më ka ndodhur. Ka pasiguri në këtë profesion, për këtë nuk kam dyshime". 

Këto kanë qenë fjalët e legjendës së Manchester United, Paul Scholes, i cili është bërë trajneri i Oldham Athletic, skuadër e kategorisë së katërt të futbollit anglez. 

Gjithsesi, ai mund të shfrytëzojë lidhjet e rëndësishme që ka në botën e futbollit. Siç ka bërë të ditur "Daily Mail", Oldham do të mund të shfrytëzojë njohjet e Scholes në "Old Trafford", ndoshta për të huazuar ndonjë lojtar premtues nga miku i tij Nicky Butt, përgjegjës i moshave të United.  

Gjithashtu, ish-mesfushori do të ketë gjithmonë një derë të hapur: atë të studios së Sir Alex. "Jam i sigurt se bosi do të përgjigjet. Nuk do të hezitoj ta marr në telefon nëse do të më duhet ndihmë". Por Ferguson nuk është trajneri i vetëm me emër që do të ndjekë me vëmendje ecurinë e Oldham. Edhe pse, për ironi të fatit, situata është përmbysur. 

Scholes është trajner, ndërsa armiku i tij Mourinho është në televizor me një mikrofon në dorë. A do të shkojë "Special One" të shikojë ndonjë ndeshje të League Two? "Nuk e di nëse do të vijë të shikojë Oldham-in, por mendoj se do t'u hedhë një sy rezultateve. Gjithsesi, unë nuk i kam kursyer kritikat ndaj tij". 

Tani fjala i kalon fushës dhe ndoshta mund të kemi një përballje tjetër Scholes kundër Mou në role të kundërta. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...