Dhuna ka goditur sërish futbollin europian. Një sherr masiv ka përgjakur Romën, në prag të sfidës mes Lazios dhe Sevillës të vlefshëm për Europa League.
Tifozët e të dy skuadrave janë përplasur me njëra-tjetrën në një sherr që ka degjeneruar me shkopin dhe thika. Raportohet se 3 persona kanë mbetur të plagosur, mes të cilëve 1 italian, 1 anglez dhe një spanjoll. Këta 2 të fundit janë në gjendje të rëndë.
Lufta përfshiu rreth 40 persona dhe ndoshta arsyeja ka qenë kalimi i tifozëve spanjollë pranë një klubi të frekuentuar nga ultrasit lacialë. Mediat italaine raportojnë se autorët e sulmit kanë qenë të maskuar, ndërsa policia po heton ngjarjen e ndodhur.
