Arsenal ka pësuar një humbje befasuese në udhëtim nga BATE Borisov, në kuadër të Ligës së Evropës.
Kësaj humbje nuk mundi t’i bëjë ballë sulmuesi i londinezëve, Alexandre Lacazette, të cilin nuk e mbajtën nervat deri në fund.
Ai u ndëshkua me kartonin e kuq, por pas ndeshjes ka kërkuar falje për reagimin e tij të ashpër.
“Ta lësh skuadrën në mënyrë të tillë është ndjenja më e keqe… Duhej të kisha qëndruar i qetë, por nuk është gjithmonë e lehtë.. Më falni. Janë akoma 90 minuta për tu luajtur dhe besoj se shokët e skuadrës do të kalojnë në fazën tjetër” ka shkruar Lacazette në ‘Twitter’.
Kjo humbje është e katërta për Arsenal në shtatë ndeshjet e tyre të fundit, në të gjitha kompeticionet.
