Gjyqtari kryesor Alban Shala e përjashtoi me karton të kuq trajnerin Ismet Munishi, për shkak të sharjeve dhe veprimeve të palejuara, në ndeshjen mes Vëllaznimit dhe Dritës, në kuadër të çerekfinales së Kupës së Kosovës.
Munishi kërkoi përballje fizike me gjyqtarin dhe kjo çoi në ndërprerjen disa minutëshe të ndeshjes.
Komisioni Disiplinor i shkallës së parë në përbërje; Dukagjin Zefi – kryetar dhe Luan Salihu e Avni Shala anëtarë, në mbledhjen e mbajtur me datë 15.02.2019 shqyrtoi procedurën e hapur disiplinore nga mbledhja e kaluar lidhur me rastin e sjelljeve josportive të kryetrajnerit të KF “ Vëllaznimi” gjatë ndeshjes së Digitalb – Kupës së Kosovës në futboll për kategorinë e seniorëve; Vëllaznimi – Drita e zhvilluar me datë 10.02.2019 në stadiumin e qytetit në Gjakovë dhe për të njëjtën duke iu referuar raporteve plotësuese nga zyrtaret e ndeshjeve, konform Dispozitave të Rregullores Disiplinore neni 40 paragrafi 1 pika 3 sjelli këtë;
V E N D I M
ISMET MUNISHI; kryetrajner i klubit të futbollit “VËLLAZNIMI“ nga Gjakova me licencë UEFA “A“ 0282 për largim nga bankina (reagime ndaj vendimeve të gjyqtarëve të ndeshjes), dënohet me të holla në shumë prej; 1500 euro (njëmijë e pesëqind) në bazë të Rregullores Disiplinore neni 40 paragrafi 1 pika 3 dhe neni 10 paragrafi 3.
Afati i pagimit të dënimit të shqiptuar në të holla është 15 ditë, nga dita kur vendimi bëhet i plotfuqishëm (Rregullorja Disiplinore neni 11 paragrafi 1).