Baseli arkëtoi tri pikë të mëdha në luftë për vendin e dytë në elitën e futbollit të Zvicrës. Taulant Xhaka me Baselin triumfojnë me rezultat minimal 1:0 kundër Sionit, në ndeshjen e javës së 21-të. Xhaka luajti tërë takimin dhe me plotë sukses, ndërsa Zuffi shënoi nga penalltia në minutën e 43-të për fitoren e Baselit. Për Sionin luajtën Pajtim Kasami, Ermir Lenjani dhe Burim Kukeli, ky i fundit u zëvendësua në minutën e 53-të.
Baseli është në vend të dytë me 37 pikë, kurse Sioni i gjashti me 25. Zurich nuk ia doli në Bernë, duke pësuar humbje me 2:0 nga kampioni në fuqi Young Boys. Futbollisti Toni Domgjoni luajti titullar për Zurich-un, i cili u ndëshkua me karton të verdhë në minutën e 59-të, kurse Lavdim Zymberi u inkuadrua nga minuta e 72-të. Golat i shënuan: Fassnacht (48’) e Ngamaleu (57’).
Grasshoppersi si vendas pësoi humbje me 1:0 nga Xamaxi. Arlind Ajeti e Nedim Bajrami u paraqitën të plotë, kurse Shani Tarashaj nga minuta e 67-të për Grasshoppersin dhe Arbenit Xhemaili, Kemal Ademi luajtën standardë për Xamaxin. Ademi u zëvendësua në minutën e 79-të nga Frederik Nimani. Serey Die shënoi në minutën e 33-të për Xamaxin.
Liga e Zvicrës
Baseli-Sioni 1:0
Grasshoppersi-Xamaxi 0:1
Young Boys-Zurich 2:0
Luzern-Lugano 0:3
St. Gallen-Thun 1:3
Tabela
1. Young Boys 21 18 2 1 56
2. Basel 21 10 7 4 37
3. Thun 21 10 5 6 35
4. Zurich 21 7 7 7 28
5. St. Gallen 21 8 3 10 27
6. Sion 21 7 4 10 25
7. Luzern 21 8 1 12 25
8. Lugano 21 5 8 8 23
9. Xamax 21 4 7 10 19
10. Grasshoppers 21 5 2 14 17
