Në përfundim të sfidës së “Stamford Bridge” mes Chelsea-t dhe Manchester United, e fituar 0:2 nga “Djajtë e Kuq”, u hodh shorti për fazën pasardhëse të kompeticionit më të vjetër në botë, FA Cup.
Goglat e vendosën Manchestër United përballë Wolverhamptonit, ndërsa Manchester City-t i rezervuan si kundërshtar Swansea City-n. Dy çiftet e tjera janë Watford – Crystal Palace dhe Millwall – Brighton.
Ndeshjet çerekfinale do të zhvillohen ndërmjet datave 15 dhe 18 mars (nga e premtja deri të hënën).
Fituesit e fazës 1/4 të FA Cup do të përfitojnë nga 720.000 paundë (822.630 euro), pasi Federata Angleze e Futbollit i kishte dyfishuar fondet në fillim të këtij sezoni.
Çerekfinalet:
Swansea City – Manchester City
Watford – Crystal Palace
Wolverhampton Wanderers – Manchester United
Millwall – Brighton & Hove Albion
