Klubet kineze interesohen për Hysajn - Bota Sot
Klubet kineze interesohen për Hysajn

Futboll

Klubet kineze interesohen për Hysajn

Më: 20 shkurt 2019 Në ora: 11:46
Elseid Hysaj

Elseid Hysaj ka disa interesime edhe nga Kina.

Mbrojtësi i Kombëtares shqiptare është përfolur shumë për merkaton gjatë kësaj periudhe, sidomos me largimin e Sarrit, me të cilin ishte titullar i padiskutueshëm.

Afrimi i Ancelottit te Napoli ka bërë që shkodrani të mos ketë më postin e titullarit dhe kjo bëri që në mediat pranë Napolit të lakohet Hysaj si futbollisti më i mundshëm për të lënë napolitanët në merkaton e qershorit.

Teksa Chelsea mund të mos jetë më destinacion për shqiptarin, nisur nga situata aspak e favorshme që po kalon Sarri në Londër, atëherë në mediat pranë Napolit është diskutuar edhe e ardhmja e tij.

Inter dhe Lazio janë duke ndjekur situatën e tij momentalisht, por sajtet napolitane të lajmeve kanë raportuar se për shqiptarin ka disa interesime dhe pista konkrete nga Kina    

Këtë sezon, Hysaj nuk është aktivizuar në formacionin titullar dhe me ardhjen e Malkuit, vendi i tij kur zbret në fushë ka qenë ai i mbrojtësit të majtë

Prej muajsh, rinovimi i Elseid Hysajt me Napolin ka ngecur dhe palët duket se nuk kanë asnjë plan për të shtyrë kohëzgjatjen e kontratës aktuale deri në verën e vitit 2021.

Ndaj, në qershor Hysaj pritet të veshë një tjetër fanellë dhe mbetet për t’u parë nëse do të qëndrojë në Itali, apo do të transferohet jashtë saj.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...