Juventusi do të jetë pa Emre Canin, Sami Khediran dhe Douglas Costan për ndeshjen si mysafir i Bolognas.
Megjithatë, Miralem Pjanici është përfshirë në 18-she, pavarësisht gripit.
Mesfushori boshnjak luajti i sëmurë në humbjen 2-0 në Champions League kundër Atletico Madridit, në mesjavë.
Pavarësisht kësaj, Pjanici është përfshirë në skuadër, duke qenë njëri nga vetëm tre mesfushorët e disponueshëm.
Khedira mungon një muaj pas operimit në zemër, ndërsa Douglas Costa dhe Juan Cuadrado janë ende të lënduar, derisa Emre Cani është i pezulluar.
Skuadra e plotë e Juves: Szczesny, Perin, Pinsoglio; De Sciglio, Chiellini, Caceres, Alex Sandro, Barzagli, Bonucci, Cancelo, Rugani, Spinazzola; Pjanic, Matuidi, Bentancur; Ronaldo, Dybala, Mandzukic, Kean, Bernardeschi.