Borussia Dortmund, pas tre barazimeve radhazi në Bundesliga, është rikthyer te fitorja duke mposhtur 3-2 Bayer Leverkusen në Signal Iduna.
Këtë e ka bërë duke vendosur një rekord negativ, të besuarit e Favre kanë pasur vetëm 33% të mbajtjes së topit kundrejt 67% të miqve.
Diçka që nuk kishte ndodhur ndonjëherë në një fitore brenda fushës për Dortmund.
Ishte Zagadou ai që kaloi të tijtë në avantazh në minutën e 30’, por shtatë minuta më pas Kevin Volland ka barazuar për vizitorët.
Megjithatë, magjia e Jadon Sancho vetëm një aksion më pas i ka dhënë përsëri avantazhin vendasve.
Pas pushimit ishte Mario Gotze ai që shënoi golin e tretë, por ndeshja nuk kishte mbaruar pasi Tah rihap gjithçka çerek ore përpara fundit.
Megjithatë Dortmund ruan avantazhin dhe shkëputet sërish +4 nga Bayern i vendi të dytë.