Situata mes Mauro Icardit dhe skuadrës së Inter nuk po shkon në rrugën më të mirë të mundshme.
Sulmuesi argjentinas i Inter, Icardi, është lënë përsëri jashtë listës së skuadrës për ndeshjen e ardhshme.
Kur po flitet shumë për të ardhmen e tij, dhe situata është shumë e nxehtë, kjo gjë vetëm po ndikon për keq në raportet lojtar-skuadër.
Këtë e ka ‘konfirmuar’ edhe vet lojtari, i cili ka reaguar për ngjarjet e fundit, me një postim në rrjetin social ‘Instagram’.
“Nuk e di nëse ka respekt dhe dashuri nga Inter drejt meje, nga disa njerëz që po marrin vendimet aktualisht” ka shkruar Icardi.
Lojtari dhe skuadra nuk kanë arritur akoma marrëveshje për rinovimin e kontratës, dhe një gjë e tillë duket se nuk do të ndodh, nisur nga ngjarjet e fundit.
