Raheem Sterling thotë se ka ndjerë më shumë presion kur po luftonte për titullin e Premier League me Liverpool sesa ndjen te Manchester City.
Vetëm një pikë i ndan dy skuadrat me 10 ndeshje të mbetura në kampionat.
“Kemi besim në vetvete dhe kemi mentalitetin e duhur për të fituar përsëri titullin. Jemi të fokusuar 100% për të mos bërë asnjë hap fals ndaj kujtdo.”
Gjatë sezonit 2013/14, Sterling po shkëlqente me The Reds nën drejtimin e Brendan Rodgers.
Megjithatë, megjithëse i shkoi titullit shumë pranë, e humbi në fund të sezonit.
“Kur isha te Liverpool kisha më tepër presion sesa këtu. Mendoj se tifozët ndikuan te ne. Ishim në kontroll dhe kishim mundësinë, por nuk e shfrytëzuam.
Këtu është ndryshe. I marrim ndeshjet një e nga një, por është komplet ndryshe nga viti i kaluar, kur fituam bindshëm kampionatin.
Jemi ne ndjekësit dhe gara është shumë e fortë për momentin, por kam besim të plotë te skuadra.”