Në 20 vitet e fundit (1999-2019), të pas luftës, askush nuk po ia del ta sfidojë numrin e titujve të fituar nga Afrim Tovërlani, i njohur me nofkën “Toki”. Sigurisht do të shkojë edhe një dekadë dhe sukseset e Tovërlanit në Kosovë do të janë të paprekshme ose edhe do të shkojë edhe më gjatë.
Afrim Tovërlani ose ndryshe siç e quajnë mbreti i titujve dhe trofeve në Kosovë, edhe si futbollist ka qenë i jashtëzakonshëm ose njeriu që kaloi të gjitha periudhat me Prishtinën. Pionier i Prishtinës, i takon gjeneratës së kapitenit, të ndjerit Fadil Vokrri, i takon periudhës së kohës së okupimit dhe të kohës së pasluftës, madje disa vite para se t’i thotë lamtumirë karrierës si lojtar aktiv ka bartur shiritin e kapitenit në FC Prishtina.
Në zejen e kryetrajnerit, një mbret i paprekshëm deri me tash. E kush ka më shumë tituj se Tovërlani, pa dyshim le ta ngrit lart dorën! Sigurisht se në Kosovë askush. Tovërlani ka katër tituj, pa llogaritur edhe dy Superkupa dhe një Kupë dhe kampion edhe me Trepçën ’89 në Ligën e Parë.
Këto suksese i ka arritur brenda periudhës dhjetëvjeçare apo një dekade! E papërsëritshme, kur kihet parasysh mosha e re madje për një periudhë aq të shkurtër, pra që është futur në zejen e trajnerit. Njeriu që ka recetën e titullit të kampionit, është mbret i titujve në Kosovë ose siç e quajnë edhe babë!
Pas Tovërlanit me tituj renditen Ajet Shosholli, Genc Hoxha dhe Jusuf Tortoshi, secili me nga dy tituj! Tovërlani një periudhë goxha të gjatë ka pasur trajner të mirënjohurin Ajet Shoshollin, një kohë edhe Jusuf Tortoshin.
Tovërlani ka më shumë tituj se krejt trajnerët e sotëm në Superligën e Kosovës, ndërsa Mirel Josa trajneri më me shumë tituj në Shqipëri, kur ishte në krye të Skënderbeut, por në Kosovë tash e një kohë nuk e ka fituar asnjë sa e drejton Prishtinën.
Sot disa klube në Kosovës investojnë 700-900 mijë euro, por nuk po ia dalin, kurse Tovërlani me trefishin e buxhetit me pak ka arritur gjithë ato sukses. Ky është Tovërlani, mjeshtër i lojës më popullore në botë.
Titujt
1999/00 Prishtina, Ajet Shosholli
2000/01 Prishtina, Jusuf Tortoshi
2001/02 Besiana, Bylbyl Sokoli
2002/03 Drita e Gjilanit, Ramadan Cimili
2003/04 Prishtina, Ajet Shosholli
2004/05 Besa e Pejës, Valdet Shoshi
2005/06 Besa e Pejës, – Genc Hoxha
2006/07 Besa e Pejës, Genc Hoxha
2007/08 Prishtina, Afrim Tovërlani
2008/09 Prishtina, Afrim Tovërlani
2009/10 Trepça, Gani Sejdiu
2010/11 Hysi, Fadil Ademi
2011/12 Prishtina, Jusuf Tortoshi
2012/13 Prishtina, Afrim Tovërlani
2013/14 Llamkos Kosova e Vushtrrisë, Ismet Munishi
2014/15 Feronikeli nga Drenasi, Gani Sejdiu
2015/16 Feronikeli nga Drenasi, Afrim Tovërlani
2016/17 Trepça ’89 nga Mitrovica, Zekirija Ramadani
2017/18 Drita e Gjilanit, Bekim Isufi
2018/19?