Gareth Bale së fundmi e ka gjetur veten pre të kritikave të vazhdueshme, derisa paraqitja e tij në “El Clasico” në fundjavë, nuk ndikoi për ta përmisuar situatën e tij në klub.
Ai u zëvendësua në ndeshjen kundër Barcelonës në minutën e 60-të, pasi preku topin vetëm 20 herë në total.
Madje edhe fansat e pranishëm në “Bernabeu” e vërshëllyen atë, derisa po zëvendësohej.
Sidoqoftë, tani është kuptuar se edhe lojtarët e tjerë të Realit e kanë humbur besimin në aftësitë e Bales.
Sipas “Marca”, shumica e skuadrës ishte e befasuar me vendimin e Santiago Solarit për ta përfshirë uellsianin në formacionin startues të shtunën.
Starti i mëhershëm i Bales në La Liga ishte më 3 shkurt, kështu që ishte befasi emri i tij në 11-shen e parë kundër Barcelonës.
Ai nuk arriti ta shpaguajë besimin e Solarit në të, derisa “Los Blancos” pësuan humbjen e tetë në ligë këtë sezon.
