Serge Gnabry do të vazhdojë të luajë te Bayern Munich për një kohë të gjatë.
Klubi rekordmen i Gjermanisë ka rinovuar kontratën e lojtarit të përfaqësueses deri në vitin 2023.
“Serge është një i ri me të ardhme të madhe dhe një nga lojtarët kyç të Bayern,” shprehet drejtori sportiv Hasan Salihamidzic. “Jemi të bindur se ai do të na kënaqë në vitet e ardhshme.”
Gnabry u transferua te Bayern në verën e vitit 2017 dhe u huazua te Hoffenheim për një sezon.
Ai u rikthye te Bayern verën e kaluar dhe ka kryer 29 paraqitje këtë sezon. Gnabry ka shënuar tetë gola dhe ka përgatitur pesë të tjerë.
