Solskjaer beson se goditja e Xhakës tek goli i parë mori një drejtim të çuditshëm, me ç’rast i vështirësoi punët De Geas.
Skuadra e Arsenalit ka fituar derbin e madh anglez ndaj Manchester United, që u zhvillua në ‘Emirates’ në kuadër të xhiros së 30’të të Premierligës.
‘Topçinjtë’ kanë fituar derbin ndaj ‘Djajve të Kuq’ me rezultatin 2-0.
Granit Xhaka realizoi një super gol nga distanca në minutën e 13’të – kurse Aubameyang vulosi çështjen e fituesit në minutën e 69’të, kur shënoi nga pika e bardhë e penalltisë.
“David de Gea është i zhgënjyer sa herë që ai pranon një gol. Topi lëviz aq çuditshëm dhe duket sikur shkon në të majtën e Davidit – por ai ndryshoi drejtimin. Në 15, 20 minutat e para ne ishim shumë të ngadalshëm dhe kurrë nuk i vumë nën presion”, tha Solskjaer.