Menaxheri i Bale: Gareth dëshiron ta përfundojë karrierën në Real Madrid - Bota Sot
Menaxheri i Bale: Gareth dëshiron ta përfundojë karrierën në Real Madrid

Futboll

Menaxheri i Bale: Gareth dëshiron ta përfundojë karrierën në Real Madrid

Më: 15 mars 2019 Në ora: 08:57
Gareth Bale

Gareth Bale dëshiron të luajë gjatë gjithë karrierës së tij në Real Madrid, përkundër kthimit të Zinedine Zidane në postin e trajnerit, ka thënë menaxheri i tij Jonathan Barnett.

Riemërimi i francezit në postin e trajnerit është lajm i keq për uellsianin, sepse Zidane nuk dëshiron të punojë me Bale, sipas ekspertit të futbollit spanjoll Guillem Balague.

Sulmuesi 29-vjeçari është fishkëllyer nga tifozët e Real Madridit gjatë këtij sezoni.

Por, Barnett thotë se Bale është shumë i lumtur për momentin dhe se “do të shohim sesi shkojnë gjërat”.

I pyetur nëse Bale do të qëndrojë në Real Madrid, Barnett u përgjigj: “Po, përse jo? Ai dëshiron të luajë për Real Madridin gjatë gjithë karrierës së tij dhe nëse kjo nuk funksionon atëherë do ta flasim përsëri”.

Ai tregoi se Bale do ta diskutojë të ardhmen me trajnerin Zidane.

“Ai do të flasë me Zidanin dhe do ta shohim se çfarë ndodh në fund të sezonit”, shtoi ai.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...