Hasan Lika largohet nga Vllaznia, ja pse erdhi vendimi i befasishëm - Bota Sot
Hasan Lika largohet nga Vllaznia, ja pse erdhi vendimi i befasishëm

Futboll

Hasan Lika largohet nga Vllaznia, ja pse erdhi vendimi i befasishëm

Më: 19 mars 2019 Në ora: 13:57
Hasan Lika

Hasan Lika nuk do të jetë më trajneri i Vllaznisë. Trajneri duket se  ka arsye personale për të mos qenë më në krye të shkodranëve, pavarësisht ecurisë pozitive.

Atij i skadon viza amerikane dhe i duhet të udhëtojë për në Amerikë, ku do të jetojë për disa kohë derisa ta rinovojë. Hasan Lika e lë Vllazninënë vendin e parë në grupin A në Kategorinë e Parë. Shkodranët udhëhehqin me 11 pikë më shumë nga Erzeni dhe Korabi, që ndajnë vendin e dytë.

Këtë e ka konfirmuar edhe Vllaznia me një deklaratë për shtyp:

Vllaznia bën të ditur se që nga dita e sotme Hasan Lika nuk do të jetë më trajner I ekipit të parë. Me kërkesën e vetë trajnerit, kontrata dypalëshe është ndërprerë për aryse se z.Lika bashkë me familjen e tij pas pak ditësh do të udhëtojnë drejt Shteteve të Bashkuara të Amerikës për të jetuar atje tashmë. Në këtë mënyrë, KF Vllaznia duke parë ecurinë e mirë të skuadrës e cila ka hedhur një hap të rëndësishëm drejt arritjes së objektivit, vendosi që të mos e pengojë për të ardhmen e tij. KF Vllaznia e falenderon z.Lika për kontributin e tij në krye të skuadrës gjatë kësaj periudhe duke marrë parasysh momentin e vështirë kur e mori drejtimin e saj, megjithatë falë punës së tij dhe të futbollistëve, ekipi tashmë është shumë pranë arritjes së objektivit, daljes në Superligë. Brenda një periudhë shumë të shkurtër, KF Vllaznia do të bëjë publik edhe emrin e trajnerit të ri që do të angazhohet për drejtimin e skuadrës së parë deri në fund të sezonit. ”

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...