Legjenda e Manchester United Paul Scholes ka qenë një nga kritikët më të ashpër të Jose Mourinho-s kur ai ishte trajneri i Djajve të Kuq.
Scholes, në rolin e analistit, është treguar shumë i rëndë me portugezin, sidomos gjatë sezonit të fundit përpara se të shkarkohej në dhjetor.
Ish-mesfushori Anglisë u bë trajneri i Oldham gjatë shkurtit, por aventura e tij zgjati vetëm një muaj përpara se të largohej për shkak të rezultateve të dobëta.
Ai fitoi vetëm një nga shtatë ndeshjet në stolin e klubit dhe braktisi pozicionin e tij si trajner.
Tani ka ardhur reagimi i Jose Mourinho-s, si gjithmonë klasik: “Paul Scholes më ka kritikuar kur kam qenë trajner te disa prej klubeve më të mëdha ndërsa ai zgjati vetëm 31 ditë tek Oldham. Rikthehu në studio.”
