Kosova i shet 13.000 bileta në miqësore, Shqipëria vetëm 9.000 në kualifikuese - Bota Sot
Kosova i shet 13.000 bileta në miqësore, Shqipëria vetëm 9.000 në kualifikuese

Futboll

Kosova i shet 13.000 bileta në miqësore, Shqipëria vetëm 9.000 në kualifikuese

Më: 21 mars 2019 Në ora: 13:43
Foto ilustrim

Kombëtarja e Shqipërisë do të nisë fushatën eliminatore për “Euro2020” kundër ekipit të Turqisë. Skuadra shqiptare do të kërkojë të ripërsërisë veten me fitoren 2-3 kundër turqve në miqësoren e zhvilluar në 2017.

Një armë plus që pritet të kenë djemtë e Christian Panuccit në misionin e tyre të vështirë është mbështetja e tifozerisë duke qenë se takimi luhet të premten, prej orës 20:45, në stadiumin “Loro Boriçi”, të Shkodrës.

Stadiumi i Shkodrës duket se nuk do të mbushet në kapacitetet maksimale, pasi deri tani janë shitur vetëm 9 mijë bileta. Informacion i marrë nga Telesport nëpërmjet agjencisë së shitjes së biletave.

“Loro Boriçi” ka një kapacitet total prej 16 mijë vendesh. Një shifër alarmante kur mendon rëndësinë e ndeshjes dhe nevojën për t’i nisur mbarë këto eliminatore.

Shqiptarët e kanë zakon që biletat t’i blejnë në ditën e fundit dhe të premten mund të rritet numri i biletave të blera.

Kujtojmë se FFK ka shitur të gjitha biletat për ndeshjen miqësore kundër Danimarkës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...