Nuk u ftua Strakosha, Hysaj tregon çfarë ndodhi - Bota Sot
Nuk u ftua Strakosha, Hysaj tregon çfarë ndodhi

Futboll

Nuk u ftua Strakosha, Hysaj tregon çfarë ndodhi

Më: 21 mars 2019 Në ora: 18:31
Elseid Hysaj

Së bashku me trajnerin Christian Panucci në konferencën për shtyp përpara ndeshjes ndaj Turqisë ishte i pranishëm edhe mbrojtësi Elseid Hysaj i cili është graduar kapiten i kuqezinjëve në këtë grumbullim.

Mbrojtësi u shfaq shumë i lumtur për faktin se do të mbajë shiritin në krah në vendlindjen e tij ndërsa ashtu si trajneri edhe Hysaj theksoi se Shqipëria i ka marrë mirë masat dhe është gati për të tentuar fitoren ndaj Turqisë, ndërsa dha një mendim edhe për Thomas Strakoshën.

Si do t’i përballoni sulmuesit turq?

“Sulmuesit që ka Turqia i kemi takuar dhe në Serinë A dhe aty kemi të bëjmë në çdo ndeshje me lojtar të tillë dhe jemi përgatitur të mbrojmë mirë ndaj Turqisë”

Çfarë i mungon kombëtares?

“Edhe grupi që kemi tani është fantastik. Njihemi mirë me njëri-tjetrin. Kemi marrë leksione për gabimet që kemi bërë. Shpresoj të vazhdojmë nga ndeshja e fundit që e lam me fitore.”

Keni biseduar me Strakoshën, çfarë i keni thënë si kapiten?

“Jam i lumtur që do të luaj në shtëpinë time si kapiten. Për Strakoshën nuk vendosim ne. Kush gabon duhet të paguajë gabimin. I kamë thënë të rri i qetë dhe të vë mend për herët e tjera. Shpresoj ta kuptoj gabimin sa më shpejt”

Si është të jesh kapiten në qytetin tënd?

“Është ndjesi shumë e mirë. Nëse është nevoja të bëj edhe një rol tjetër do ta bëj me gjithë maksimumin tim”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...