Panucci i kundërpërgjigjet Lenjanit: Mungesë respekti ndaj Shqipërisë - Bota Sot
Panucci i kundërpërgjigjet Lenjanit: Mungesë respekti ndaj Shqipërisë

Futboll

Panucci i kundërpërgjigjet Lenjanit: Mungesë respekti ndaj Shqipërisë

Më: 21 mars 2019 Në ora: 18:39
Christian Panucci

Christian Panucci u shfaq optimist para sfidës ndaj Turqisë që do të zhvillohet këtë të premte në Loro Boriçi dhe që do t’i japë start fushatës kualifikuese të Euro 2020 për Shqipërinë.Trajneri italian i kuqezinjtë theksoi se skuadra është gati për këtë duel.

Rikthimi në kombëtare i disa lojtarëve të rëndësishëm i shton besimin Panuccit, ndërkohë që trajneri nuk pranoi t’i bëheshin pyetje për Thomas Strakoshën i cili është dënuar dhe është lënë jashtë nga ky grumbullim ndërsa thumboi edhe Ermir Lenjanin për gjestin që bëri.

Çfarë keni parë nga skuadra këto ditë?

Kanë punuar mirë. Është ambient mirë. Djemtë janë gati për ta luajtur këtë ndeshje. Të shikojmë nesër…

Në 2018 Shqipëria shënoi vetëm 3 gola, si keni menduar ta përmirësoni këtë?

Ka ardhur Sadiku, edhe pse nuk është mirë, kemi lojtarë që kanë bërë gola. Mjafton edhe 1 gol për të fituar ndeshjen. Kemi Sadikun, Balaj ka gjetur golin, kemi Grezdën dhe Abazajn gjithashtu.

Duke qenë ndeshja e parë, është e rëndësishme ndaj një kundërshtari të fortë. Çfarë mesazhi u keni dhënë? Ku keni menduar ta godisni? Pika e tyre e fortë?

Është e vërtetë që kanë një skuadër të fortë, por nëse lojtarët kundërshtarë janë të përqendruar për 90 minuta, do të marrim një rezultat pozitiv. E dimë që është e vështirë, por shpresojmë.

Keni deklaruar më parë që do tentoni ta fitoni ndeshjen. Kush janë pritshmëritë konkrete? Me çfarë rezultati do ishit i kënaqur?

Unë jam pozitiv, dhe skuadra është e përgatitur. Ka kualitet, siç ka edhe Turqia. Jam i bindur që mund të arrijmë një fitore, por gjithçka mbetet për t’u parë nesër. Duhet të japim maksimumin në fushë.

Shumë lojtarë luajnë në skuadrat më të rëndësishme në Itali. Ku mendoni se ka potencial për të shkuar Shqipëria?

Skuadra ka potencial. Të përqendrohemi tek Turqia dhe Islanda, Francën ta lëmë në terezinë e saj. Skuadra është e konsoliduar, por ka shumë rrugë për të bërë. Kjo skuadër është si një minë me sahat, mund të shpërthejë kurdo dhe, të bëjë gjëra të mëdha.

Lenjani tha që nuk vij më sa të jetë Panucci. Mund të jetë si rasti Xhaka, që rikthehet? Sa e njihni Turqinë?

Lenjani është grumbulluar 8 herë, nga 9 grumbullime. Thirrja e fundit mungoi, sepse nuk ka luajtur. Lenjani nuk i ka shprehur mungesë respekti Panuccit apo Dukës, por Shqipërisë. Më vjen të qesh, të komentoj një lojtar që shkruan një letër në Instagram, dhe ajo që mund të bëj, është të pranoj kërkesën e tij.

Si ka ndryshuar futbolli turk?

Një lojtar turk luan me Romën, ku keni qenë dhe ju, por nesër nuk do të jetë…

Futbolli turk, si në gjithë Europën, ka rëniet dhe ngritjet e veta. Gëzohem që Under nuk do të jetë nesër, por ka lojtarë të tjerë shumë të mirë, që duhet t’ia kesh frikës. Ka edhe lojtarë patriotë, dhe e shijojnë himnin kur këndohet në fillim të lojës.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...