Panuçi niset për në Romë, flet për largimin: Punova i qetë falë Dukës, koha do ta tregojë nëse… - Bota Sot
Panuçi niset për në Romë, flet për largimin: Punova i qetë falë Dukës, koha do ta tregojë nëse…

Futboll

Panuçi niset për në Romë, flet për largimin: Punova i qetë falë Dukës, koha do ta tregojë nëse…

Më: 23 mars 2019 Në ora: 12:03
Kristian Panuçi

Kristian Panuçi tashmë është larguar edhe nga Shqipëria. Humbja 0-2 përballë Turqisë mbrëmjen e djeshme ka rezultuar fatale për teknikun italian. FSHF ka ndërprerë ditën e sotme kontratën me teknikun dhe 45 vjeçari largohet pas pothuajse 2 vitesh. Ai është nisur mëngjesin e sotëm për në Romë.

Në një intervistë për “Top Channel”, Panuçi flet edhe për bisedën me Dukën. “Ishte vendim i presidentit dhe e pranoj. Ka qenë eksperiencë fantastike dhe falenderoj të gjithë Shqipërinë. Punova në qetësi të plotë falë Dukës, por në fund rezultatet nuk ishin të mira dhe presidenti vendosi të më largojë. Ishte e rëndësishme të isha trajner i një kombëtareje, për këtë arsye u them të gjithë një ‘faleminderit’”, komentoi Panuçi.

“Ka gjithmonë një fajtor dhe në këtë rast jam unë përgjegjësi. Njerëzit kur humbet Shqipëria vuajnë, në fakt edhe unë. Kam shumë respet për shqiptarët. I kam falenderuar sot në mëngjes lojtarët për gjithçka që më kanë dhënë deri në momentin e fundit. Uroj të bëjnë gjëra të mira, do të jenë gjithmonë në zemrën time” shtoi tekniku.

Në fund ka pasur vend edhe për pyetjen se ‘a ka shanse Shqipëria të bëjë më mirë?’, Panuçi i është përgjgiur: “E uroj këtë. Shpresoj të jetë vendim i drejtë, por vetm koha do ta tregojë”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...