Fitorja me Andorrën 3-0 ka ngjallur shpresat që Shqipëria do të këndellet dhe t’i kthehet rezultateve pozitive.
Largimi i Christian Panuccit, ka bërë që drejtuesit e FSHF-së, të kërkojnë trajnerin e ri, por përkundër faktit që përmenden shumë emra, ende nuk ka asgjë konkrete.
Kapiteni i kuqezinjve Elseid Hysaj në një intervistë për mediat në Shqipëri, ka shprehur dëshirën që trajneri i radhës të jetë përsëri italian.
“Duhet një trajner që të kuptojë lojtarët dhe të ketë një mënyrë loje të kuptueshme”, tha ai. “Shpresoj të vijë një trajner italian, pasi e njohin futbollin dhe të na japë dorë të mirë”.
Shqipëria ka tri pikë pas dy ndeshjeve të para të luajtura në grup për kualifikimet e Euro 2020.
