Interi dhe Milani marrin vendimin për ndërtim të stadiumit të ri - Bota Sot
Interi dhe Milani marrin vendimin për ndërtim të stadiumit të ri

Futboll

Interi dhe Milani marrin vendimin për ndërtim të stadiumit të ri

Më: 26 mars 2019 Në ora: 14:37
San Siro

Dy klubet nga qyteti i Milanos kanë vendosur t’i japin lamtumirën San Siros.

Tani është thuajse gjithçka gati, me klubet e Interit dhe Milanit që kanë gjetur gjuhën e përbashkët për t’u paraqitur me një projekt të ri në Komunën e Milanos, në lidhje me ndërtimin e një stadiumi të ri, shkruan KosovaPress.

Stadiumi që do të jetë në bashkëpronësi të të dy skuadrave, do të fillojë të ndërtohet në zonën e parkimit të stadiumit aktual dhe në rastin më optimist, pritet të përfundojë në mes të sezonit 2022-2023.

“Jemi duke punuar për këtë ide në bashkëpunim të plotë me Milanin, duke pasur parasysh që stadiumet janë esenciale në procesin e rritjes së klubeve”. “Kemi ende disa detaje të vogla për të punuar, por kohët janë pjekur dhe së shpejti do t’i çojmë Komunës një propozim konkret, për të ndërtuar një stadium të denjë për qytetin e Milanos dhe vetë dy skuadrat”, tha drejtori menaxhues i Interit, Aalessandro Antonello.

Stadiumi aktual do të qëndrojë deri në momentin që të përfundojë i riu dhe më pas do të shembet.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...