Valë propozimesh te Shqipëria - Bota Sot
Valë propozimesh te Shqipëria

Futboll

Valë propozimesh te Shqipëria

Më: 26 mars 2019 Në ora: 15:27
Duka

Lënia vakant e postit të trajnerit të Kombëtares ka rikthyer edhe një herë në skenë mundësinë e një trajneri shqiptar në krye të Kombëtares shqiptare.

Gazeta panoramasport ka mësuar se një ide e tillë i është propozuar edhe vetë presidentit të FSHF-së, Armand Dukës. Nga sa bëjnë me dije burime të besueshme të gazetës që kanë dijeni rreth çështjes, kreut të FSHF-së i është propozuar katapultimi në krye të përfaqësueses i një ish-lojtari të saj.

Sigurisht që emrat e parë në këtë listë janë ato të trajnerit Besnik Hasi apo edhe të Bledar Kolës. Nga viti 2002, trajneri Sulejman Demollari ka qenë i fundit shqiptar në krye të përfaqësueses me kontratë, duke mos marrë parasysh drejtimin e ekipit në ndeshjen e djeshme ndaj Andorrës nga Ervin Bulku nën asistencën e Sulejman Memës.

Propozimi – Njerëz të afërt me numrin një të institucionit të futbollit në vend i kanë propozuar atij që krahas trajnerit shqiptar për Kombëtaren, të afrohej edhe Xhani De Biazi në rolin e drejtorit të ekipeve kombëtare. Ky i fundit, të mund të kishte nën mbikëqyrje ekipet kombëtare për të pasur nën vëzhgim edhe mënyrën e lojës së secilës prej tyre.

Duka nuk ka dhënë një përgjigje të prerë për këtë propozim, duke mos e rrëzuar mundësinë, por deri më tani, as duke e pranuar dhe vendosur. Gjithsesi, vëmendja ka qenë te përballja me Andorrën dhe nga sot, i gjithë diskutimi do të bëhet për trajnerin e ri dhe projektin që do të vendoset për Kombëtaren.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...