Legjenda e futbollit kroat dhe atij botëror Davor Suker ka folur për gjasat e Përfaqësueses së Kosovës për kualifikim në Kampionatin Evropian.
Në një intervistë për Gazeta Alo, ndër të tjera legjenda kroate e ka quajtur Kosovën, Brazili i vogël.
Mendimi i juaj për Përfaqësuesen e Kosovës
“Mendimi im për Përfaqësuesen e Kosovës është se ka shumë talente, është një Brazil i vogël, por nuk kanë mundësi ku të tregojnë kualitetet e tyre”.
Sa janë gjasat e Përfaqësueses së Kosovës për kualifikim në EURO 2020?
“Kosova ka gjasa të mëdha për t’u kualifikuar pas barazimit ndaj Bullgarisë dhe një rezultati pozitiv në ndeshjen e radhës. Kosova në këtë grup mund t’u bëjë ballë të gjithë kundërshtarëve”.
Kosova përballet me Malin e Zi në ndeshjen e radhës. A do të arrijë Kosova një rezultat pozitiv në atë ndeshje?
“Natyrisht se mundet, sepse Mali i Zi ka humbur në kualitet në krahasim me katër vitet e kaluara. Ndërsa Kosova ka përparuar dukshëm”.
Cilin futbollist të Përfaqësueses së Kosovës e vlerësoni si më të mirin?
“Nuk mund të dalloj ndonjërin. Përveç kapitenit tonë (Amir Rrahmani) Kosova ka edhe shumë yje të tjerë, këtë edhe e kanë treguar, por duhet akoma të kombinohen dhe të kualifikohen në evropian e shpresojmë më pas në të ardhmen edhe në botëror.
Davor Suker ishte në mesin e personaliteteve të shquara të futbollit që ndikuan shumë për pranimin e Kosovës në FIFA dhe UEFA.
