Skuadra e Juventus ka arritur që të shënojë fitore minimale ndaj skuadrës së Empolit.
‘Zonja e vjetër’ ka shënuar fitore 1:0, në një ndeshje mjaft të balancuar ndaj skuadrës së vendit të 17-të në tabelë.
Ishte minuta e 72’ kur i riu Moise Kean arriti të zhbllokonte rezultatin me një gol mjaft të bukur.
Ky gol i reprezentuesit italian erdhi vetëm katër minuta pasi Allegri ia besoi zbritjen në fushën e gjelbër.
Me këtë fitore Juventus ngritët në kuotën e 78 pikëve, me 18 pikë më shumë sesa vendi i dytë, Napoli.
Empoli në anën tjetër mbetet në kuotën e 25 pikëve, duke i dhënë mundësi skuadrës së Bolognas që ta parakalojë në rast të fitores ndaj Sassuolo.
