Maurizio Sarri nuk e ka ndërmend të largohet nga Chelsea, edhe pse ka humbur tashmë besimin e tifozëve.
Tifozët e bluve të Londrës përgjatë gjithë ndeshjes me Cardiff Cityn kanë thirrur emrin e Maurizio Sarrit, duke i kërkuar klubit që ta shkarkojnë italianin.
Edhe pse Chelsea fitoi me dy gola në fund, në minutat 84’ dhe 90’, tifozët nuk e duan më Sarrin.
Por, ish-trajneri i Napolit thotë se do të punojë që t’i ndryshojë gjërat.
“Fatkeqësisht jam duke u mësuar me këtë”, tha Sarri kur u pyet për thirrjet e tifozëve kundër tij.
“Duhet të punoj që të ndryshojë mendimin e tyre”.
Chelsea pas 31 ndeshjeve, me 60 pikë është në pozitën e gjashtë në Premierligë.
