750 milionë paund, Liverpool gati të firmosë kontratën e re

Futboll

750 milionë paund, Liverpool gati të firmosë kontratën e re

Më: 12 prill 2019 Në ora: 13:41
Foto ilustrim

Liverpool është duke mbyllur një marrëveshje të fuqishme me kompaninë e veshjeve “Nike”, duke qenë se në fund të sezonit 2019-2020 i mbaron kontrata me sponsorin amerikan “New Balance”.

Aktualisht Liverpool fiton 45 milionë paund nga kontrata me sponsorin e lartpërmendur. Ndërkohë që marrëveshja e re që pritet të firmoset së shpejti kap shifrën e 750 milionë paund në total, e njëjtë me atë që përfiton Manchester United nga “Nike”, sipas rrjetit informativ “ESPN”.

Gjithsesi “New Balance” ka në kontratë një pikë që e lejon të zgjasë kontratën me “Reds” nëse e barazon ofertën e kompanive rivale. Kjo nuk pritet të ndodhë dhe Liverpool është në hapat e fundit të negocimit për t’u veshur nga “Nike” me kontratë 750 milionë, ose më shumë, thjesht sa për të kaluar United.

Aktualisht Barcelona është klubi që përfiton më shumë, plot 100 milionë paund nga “Nike”, kontratë që e firmosi në vitin 2018, kur parakaloi marrëveshjen e Real Madridit me “Adidas”, me vlerë 98 milionë paund.

commentFirst article
Sot mund të lexoni Shfletoni kopertinat