Një episod i shëmtuar është verifikuar gjatë ndeshjes së zhvilluar të enjten në mbrëmje mes Arsenal-it dhe Napoli-t, e vlefshme për çerekfinalet e Europa League.
Gjatë takimit, të fituar 2-0 nga anglezët, një tifoz ka bërë disa fyerje të rënda raciste kundrejt mbrojtësit të italianëve, Kalidou Koulibaly. Episodi është konfirmuar nga një video e publikuar në rrjetet sociale dhe është dënuar menjëherë nga drejtuesit e Arsenal-it.
"Dënojmë përdorimin e këtyre thirrjeve raciste dhe kemi hapur një hetim për të identifikuar fajtorin. Do të ndjekim parimin e 'tolerancës zero': kushdo që sillet në këtë mënyrë nuk është i mirëpritur dhe do t'i ndalohet hyrja në stadium", ka bërë të ditur klubi londinez në një komunikatë për shtyp.
